السلام عليكم ورحمة الله وبركاته
الأسد أسد،،، والحمار حمار
مرحبا
أول شي أحب اوضح للبشريه ان الأسد أسد،،، والحمار حمار....
(حقيقه غائبه عن كثيرين)
الأسد هو ملك الغابه, يعني مركز كبير, ومستقبل مؤمن, وعرين, وفلة حجاج...
اما الحمار فهو من الطبقه الكادحه في الغابه, يعني ممكن اي يوم يصبح الصبح بدون عمل, واذا لقى عمل, لازم يشتغل زي الحمار, علشان يؤمن لقمة العيش لمرته وعياله...
الأسد الكل يهابه, واذا مر في طريق كل الحيوانات يوخرون, ويرتعدون, وينظفون الطريق الف مره قبل ما يجي
الحمار ما احد معطيه وجه, وكل الحيوانات يركبون فوقه, ويخلونه يشيل مقاضيهم, غصبن عليه, ويخلونه ينظف الطريق للأسد اذا بغي يجي...
الأسد ما ياكل حقوق الضعيفين, الأسد ياكل الضعيفين نفسهم... وكل يوم...
الحمار ياكل شعير... ويوم ايه... وعشره لا
الأسد اذا راح الى عرينه.... يلقى خمسطعشر لبوه تستنى اشاره من مخلبه..بس كله خوف
يعني ما فيه لبوه وحده مهتمه فيه فعلا وتبي سعادته
الحمار اذا راح الى الزريبه ... يلقى ام العيال(الحماره)... تاخذه بالأحضان.. وتسأله
وش صار له اليوم بالشغل... واذا كان تعشى ولا لأ... وتزين سريره علشان ينام
بنت حلال الحماره والله
الأسد يصدر باليوم عشرين الف امر.... وكل اوامره ملباه
الحمار يجيه في اليوم عشرين الف امر.... وكلها لازم يلبيها غصبأ عليه
الأسد دايم زعلان ... وما يحب احد ولا احد يحبه...
الحمار دايم مبتسم ... وكل الحيوانات يحبونه... وهو يحبهم كلهم
الأسد.... أسد
والحمار.... حمار
موضوع: الفرق بين الحمار والاسد 
الخميس يناير 29, 2009 3:40 pm
